Rama në fjalën e tij në seancën e sotme plenare në Kuvend pasi foli për sitatën e tërmetit ka thumbuar Ditmir Bushatin i cili e ka kritikuar paketën anti-shpifje duke thënë se qeveria po nxiton me miratimin e saj dhe se nuk janë reflektuar kërkesat e Këshillit të Evropës.
“Nuk po ju flas për familjen time, as për nënën tim, as për vajzën tonë, as për djalin tim, as për prindërit e Ditmir Bushatit, as për familjarët e atyre që janë pas meje, as për familjarët e taulant ballës, dhe të askujt tjetër mes nesh. Po flas për ata që ndryshe nga ne nuk e kanë një mikrofon për të thënë të drejtën e tyre”, tha Rama.
Kryeministri nuk ka harruar të përmendë të gjitha shtetet të cilat parashikojnë shpifjen dhe fyerjen si vepër penale.
“-20 shtete, Austria, Belgjika, Gjermania, Greqia, Polonia, etj… parashikojnë fyerjen dhe shpifjen si vepër penale që dënohet me burg. 5 shtete, Qipro, Anglia, Rumania, nuk e parashtrojnë si vepër penale por e rregullojnë me legjislacionin dhe Anglia e ka me gjobë 200 mijë stërlina. Së treti, tre shtete e parashtrojnë si sanksion me gjobë jo burgim shpifjen. Legjislacioni më i ashpër në BE është ai i Gjermanisë. Kodi Penal i Gjermanisë parashikon 11 vepra penale për fyerjen e shpifjen dhe është vendi ku ka më pak shpifje e fyerje. Përgjegjësia civile rregullohet sipas modeleve të vendeve që kanë një ligj të veçantë, që nga Kosova, Maqedonia, etj.”, -u shpreh ai.
