Ligji i Anti-shpifjes i miratuar nga Kuvendi me shumicën e votave të deputetëve parashikon edhe gjoba strastosferike për portalet “abuzive”.
Paketa Antishpifje e cila është kundërshtuar në masë nga gazetarët dhe shoqëria civile parashikon masat konkrete ndaj mediave online.
Ligji “Për komunikimet elektronike në Republikën e Shqipërisë” dhe “Për mediat audiovizive në Republikën e Shqipërisë” kanë një qëllim që të vendosin një kontroll të rreptë ndaj medieve online, apo portaleve.
Në këtë proces do të zbatohen dy ligje njëherësh, duke përfshirë dy institucione si AKEP dhe AMA.
Të gjitha portalet me domain “.al” duhet të regjistrohen, por mbi të gjitha pranë AKEP duhet të regjistrohen edhe ato portale që nuk kanë domain “.al”, por që janë të regjistruara jashtë Shqipërisë, që mund të kenë adresën “.net”, apo domaine të tjera.
Nëpërmjet ligjit Antishpifje parashikohen gjoba të majme ndaj këtyre portaleve nëse shkelin ligjin.
Në nenin 133 janë bërë disa ndryshime të cilat parashikojnë edhe gjobat ku “nga 100 000 Lekë deri në 1 000 000 Lekë në rastet kur OSHMA-të shkelin detyrimet e parashikuara në nenin 33 dhe 37 të këtij ligji; nga 100 000 Lekë deri në 600 000 Lekë në rastet kur OSHPE-të shkelin detyrimet e parashikuara në nenin 33/1 të këtij ligji; Nga 40 000 Lekë deri në 800 000 Lekë kur nuk respektohet vendimi i Këshillit të Ankesave ose e drejta për përgjigje sipas parashikimeve të nenit 53/1 të këtij Ligji. Përsëritja e shkeljes më shumë se 3 herë gjatë një viti dënohet me një rritje deri në 50% të shumës së gjobës të përmendur më lart. Në rast përsëritjeje më shumë se 5 herë gjatë vitit të kaluar, subjekti nuk do të përfitojë lehtësira fiskale apo të ndonjë lloji tjetër për një periudhë 3-vjeçare.”, thuhet në ligj.
Ligji kaloi në Kuvend dhe tashmë priten efektet e tij mbi median online.
Për më shumë lexoni tesktin integral të ligjit për mediat elektronike dhe ato online:
PËR MEDIAT AUDIOVIZIVE NË REPUBLIKËN E SHQIPËRISË
