Një incident disi komik ka ndodhur sot gjatë seancës plenare me deputetin serioz të PSD-së, Tom Doshi, pikërisht kur Kuvendi po diskutonte paketën “Anti-shpifje” për mediat. Për arsye të paqarta, karrigia e deputetit Tom Doshi, është thyer në mes duke kthyer buzëqeshje te kameramanët, pas fjalimin dramatik të kryeministrit Rama.
Edhe pse Doshi u tremb nga ky incident i papritur, duket se ky zhvillim ka lumturuar fytyrat e shumë deputetëve të tjerë të Kuvendit, të cilët nuk e kanë mbajtur dot as gazin dhe as batutat për kolegun.
Deputeti i zgjedhur me PSD-në në Shkodër, kërkoi menjëherë ndryshimin e karriges, ndërsa kryetari i Kuvendit, Ruçi, urdhëroi shërbimet e Kuvendit, që t’i sillnin një tjetër ndenjëse parlamentarit. “Hajde shërbimi ndërroi karrigen”, – u shpreh kryeparlamentari Ruçi me tone urdhëruese./Fjala.al/
