Skuadra e Juventus kërkon që të rimarrë në radhët e saj Paul Pogba-në dhe për këtë blerje ajo i ka ofruar klubit të Manchester United 60 milionë euro dhe futbollistin Emre Çan.
Në një raportim të “Tuttosport” thuhet se “Zonja e Vjetër” po përdor të gjitha mënyrat për të sjellë në Torino futbollistin francez.
Ky rikthim është i dëshiruar edhe nga vetë Pogba, i cili ka parë se hapësirat te United janë shumë të vogla dhe rikthime te kampionët në fuqi të Italisë do ishte lëvizja e duhur për të.
Trajneri i United, Ole Gunnar Solskaer, nga ana tjetër ka hedhur poshtë zërat se Pogba do të transferohet te bardhezinjtë e Italisë.
Paul Pogba kaloi te “Djajtë e Kuq” në vitin 2016 dhe që nga ai moment nuk ka arritur që të lërë shenjë te United, duke e konsideruar këtë kalim si një dështim. Kjo është edhe arsyeja kryesore pse francezi e sheh Juventusin si një shpresë për ringritje të imazhit, e nga ana e juventinëve ai shikohet si një mundësi e veçantë e përforcimit të mesfushës./Përgatiti: Fjala.al/
