Drejtuesit e Barcelonës kanë vendosur që të mos shpenzojnë asnjë qindarkë në merkaton e janarit. Nga mediet spanjolle mësohet se katanalasit kanë në plan të bëjnë vetëm dalje dhe jo hyrje të reja në skuadër.
Deri më tani nuk është piketuar asnjë lojtarë për blerjen e të cilit mund të investohej tani, ndërkohë e gjithë vëmendja e drejtuesve është e përqendruar te largomi i atyre që nuk i kanë kënaqur në minutazhin që janë aktivizuar.
Momentalisht është duke u diskutuar largimi i Rakitic dhe Vidal, kroati ka shprehur vetë dëshirën për t’u larguar nga Barça gjatë kësaj merkatoje, pasi sipas tij pjesën më të madhe të sezonit ka qëndruar në rolin e spektatorit. Për Rakitic kanë shprehur interesim një numër i lartë klubesh të Serisë A. Ndërsa Vidal nga ana tjetër është në negociata potenciale me klubin e Interit.
Së fundmi është folur për largim nga katalanasit edhe emri i 19-vjeçarit Tobido, të cilin po tenton që ta marrë në radhët e tij ekipi i Milan.
Siç duket krerët e Barcelonës kanë ide të qarta për këtë merkato dhe synojnë që të shtojnë fondet, për t’u rikthyer në merkaton e verës fuqishëm me rikthimin Neymar në “Camp Nou”/Përgatiti: Fjala.al/
