15 persona kanë humbur jetën dhe 66 të tjerë mbetën të plagosur mëngjesin e sotëm kur avion pasagjerësh u rrëzua ndërsa po ngrihej në Kazakistan.
Sipas Zyrës për Situatat e Emergjencës të Kazakistanit, avioni Bek Air ishte nisur për Almaty nga kryeqyteti Nur-Sultan me 88 pasagjerë, duke përfshirë tetë fëmijë dhe pesë anëtarë të ekuipazhit në bord.
Sipas autoriteteve, avioni u rrëzua në një ndërtesë gjatë ngritjes, ndërkaq në mesin e të plagosurve ishin gjashtë fëmijë.
Përpjekjet e shpëtimit janë duke u zhvilluar në vendin e ngjarjes. Kompania ajrore njoftoi se kishte ndaluar aktivitetet, si dhe fluturimet e aeroplanëve të saj të tipit Fokker 100 deri sa të zbulohet arsyeja e aksidentit./Fjala.al/
