Papa Francesku, gjatë meshes në Bazilikën e Shën Pjetrit, në qytetin e Vatikanit, dha një mesazh të fortë për të gjithë. Ai dënoi dhunën ndaj femrës dhe bëri thirrje për t’i dhënë fund shfrytëzimit të trupit të gruas.
“E gjithë dhuna që u është shkaktuar grave, sa herë flijohet trupi i një gruaje, përdoret në reklama, përfitime financiare, pornografi,dhe shfrytëzime, paraqet një përdhosje ndaj Zotit”, tha Papa.
Papa Françesku i vlerësoi gratë si “dhuruese dhe ndërmjetëse të paqes” dhe i nxiti që ato të bëhen pjesë e vendimmarrjes, në mënyrë që ta bëjnë botën më të bashkuar dhe më paqësore.
“Një nënshtrim i gruas është një nënshtrim për tërë njerëzimin”, tha ai.
Papa gjithashtu mbrojti të drejtat e grave për të migruar, në kërkim të një të ardhme më të mirë për fëmijët e tyre dhe dënoi ata që menduan vetëm për rritje ekonomike sesa për mirëqenien e të tjerëve./Fjala.al