Të ushqyerit ka efekte të shpejta në cilësinë e spermës mashkullore: mjafton të hani keq për disa ditë për të parë rënien e ‘shëndetit’ të spermës.
Ky është përfundimi i një studimi të Universitetit Linköping në Suedi, botuar në revistën PLOS Biology, në të cilin të rinjtë konsumuan një dietë të pasur me sheqer për një javë. Studiuesit vëzhguan aty efekte të menjëhershme në cilësinë e farës së tyre.
Studimi bazohet në një studim të ngjashëm mbi minjtë dhe mizat e frutave: kafshët që hëngrën shumë sheqer dhe menjëherë pasi u çiftëzuan, u bënë baballarë të këlyshave me mbipeshë. Prandaj, ideja për të parë se edhe te njerëzit ushqimi ka gjithashtu efekte të menjëhershme në spermën tek burrat, ekspertët përfshinë një grup meshkujsh të rinj të shëndetshëm, dhe jo duhanpirës, të ciët për dy javë konsumuan të gjitha ushqimet në laborator. Javën e parë një dietë të shëndetshme dhe të dytën, një dietë me një sasi të madhe sheqernash, e barabartë me 450 gram reçel në ditë ose 3 litra e gjysmë pije të gazuar në ditë. Cilësia e spermës së tyre u mat në fillim të studimit dhe sërish pas javës së parë dhe të dytë.
Në fillim, një pjesë e kampionit filloi me uljen e cilësisë së spermës (një përqindje e ngjashme me pjesën e meshkujve me cilësi të ulët të spermës, të pranishëm në popullatën e përgjithshme). Pas javës së parë të një diete të shëndetshme, të gjithë meshkujt kishin spermë me cilësi më të mirë se sa në fillim të studimit; pas javës së dytë, megjithatë, të gjithë kishin një cilësi të reduktuar të spermës.
“Kemi parë që dieta ndikon në lëvizshmërinë e spermës dhe ne mund t’i lidhim këto ndryshime me shfaqjen e molekulave specifike brenda tyre – thotë Anita Öst, koordinatore e punës. Studimi ynë ka nxjerrë në pah efektet e shpejta të dietës”, shton ajo. “Studimi tregon se lëvizshmëria e spermës mund të ndryshohet brenda një periudhe të shkurtër, – përfundon ajo, – dhe duket se është e lidhur ngushtë me dietën. Kjo ka implikime të rëndësishme klinike”, për shembull në fekondimin e asistuar.
Përgatiti: L.Veizi/Fjala.al/
Burimi: www.ansa.it
