Më shumë se 100 miliardë mesazhe u dërguan në WhatsApp më 31 dhjetor 2019 në të gjithë botën. Ky është dhe një rekord i ri për aplikacionin.
Vetëm në Indi, nga përdoruesit e WhatsApp, u dërguan më shumë se 20 miliardë mesazhe.
Numri i mesazheve të dërguara natën e ndërrimit të viteve në të gjithë botën ishte më i larti ndonjëherë në historinë e WhatsApp.
“WhatsApp gjithashtu mund të konfirmojë se me mbi 100 miliardë mesazhe të dërguara, më 31 dhjetor 2019 panë më shumë mesazhe të dërguara sesa çdo ditë më parë në historinë dhjetë vjeçare të WhatsApp. Vetëm në Indi, përdoruesit e WhatsApp dërguan mbi 20 miliardë mesazhe në 31 dhjetor”, tha kompania në një deklaratë për shtyp.
Nga 100 miliardë mesazhet e dërguara, më shumë se 12 miliardë ishin mesazhe fotografish.
WhatsApp është ndër aplikacionet më të mëdha të mesazheve në botë me afër dy miliardë përdorues.
Vitin e kaluar në prag të Vitit të Ri, WhatsApp identifikoi 75 miliardë mesazhe duke u shpërndarë, të cilat përfshinin mbi 13 miliardë imazhe dhe 5 miliardë video.
Në vitin 2020, WhatsApp pritet të nxjerrë shumë më tepër karakteristika. Ndërkohë që India është tregu më i madh për WhatsApp-in.
