Kreu i Aviacionit Civil Krislen Keri në një deklaratë për mediat lidhur me qytetarët që kishin prerë biletat, por kompania ‘Fly Ernest’ i la rrugëve.
Keri deklaroi se pasditen e sotme u vendosën menjëherë tre avionë shtesë, ndërsa dy u nisën direkt drejt Veronës dhe Milano.
Ai tha se stafi i kompanisë ‘Fly Ernest’ jo vetëm që nuk u përgjigjet qytetarëve, por është larguar nga aeroporti.
“Ka qenë ditë intensive dhe pas insistimit të vazhdueshëm nga ana e Autoritetit të Aviacionit Civil Shqiptar kompania rreth orës 17:30 ka firmosur një kontratë vetëm për ditën e sotme për tre avionë shtesë, dy sapo u larguan drejt Veronës dhe Milanos dhe një është në pritje në Verona që pritet të largohet në drejtim të Milanos në 9:20. Gjitha kjo në përpjekje për të mbrojtur qytetarët. Stafi i “Fly Ernest u largua nga aeroporti se qytetarët ishin të revoltuar” tha Krislen Keri nga Autoriteti i Aviacionit Civil.
Por sfidë mbetet dita e nesërme dhe në vijim.
“Pas firmosjes së kontratës së sotme ne kemi kërkuar llogari për ditën e nesërme. Kompania minimalisht ka për detyrë të çojë pasagjerët në destinacion deri në datë 13 janar. Autoriteti italian do të rishprehet me 13 janar nëse do të vazhdojë operimin ose jo. Deri atëherë duhet të kryejë fluturimet” tha ai.
Keri sqaroi se roli i Aviacionit Civil Shqiptar ka qenë i kufizuar, vetëm monitorues. /Fjala.al
