Klubi i Trepçës ka bërë publik një lajm shumë të keq e që ka prekur të gjithë tifozerinë e kësaj skuadre dhe jo vetëm.
Futbollisti Arben Beqiri është diagnostifikuar me kancer në stomak dhe ky lajm ka prekur edhe drejtuesit e këtij klubi.
Në një raportim të Gazetës Olle shkruhet se vetë portieri 31-vjeçar e ka pranuar publikisht këtë gjë. Vetë klubi i Trepçës ka reaguar pas këtij lajmi me anë të një postimin në faqen zyrtare ku i uron shërim të shpejt Beqirit dhe shpreson për një rikthim të tij.
Ndërsa, portieri ka treguar se do i nënshtrohet kimioterapisë dhe shpreson për një rikthim në muajin mars./Fjala.al/
