Kryeministri rus Dmitry Medvedev, i ka paraqitur sot dorëheqjen presidentit Vladimir Putin. Ky njoftim befasues vjen vetëm pak minuta pas fjalimit të Putinit në lidhje me reformat në Kushtetutën Ruse ku parashikohet forcimi i kompetencave të Parlamentit duke ruajtur karakterin presidencial të sistemit politik.
Nuk ka qenë vetëm kryeministri por edhe ministrat të cilët i kanë hapur rrugë ndryshimeve në Kushtetutës dhe balancës së pushtetit. Presidenti falënderoi kryeministrin dhe ministrat për largimin e tyre duke ju kërkuar atyre që jenë vigjilentë për postin deri në caktimin e ekipit të ri.
“Unë dua t’ju falënderoj për gjithçka që është bërë. Dua të shpreh kënaqësinë time për rezultatet e marra edhe nëse nuk kishte sukses në çdo gjë”, -u shpreh Putin.
Putin ka përmendur edhe idenë e referendumit për miratimin e këtyre reformave.
“Unë e konsideroj të domosdoshme që qytetarët e vendit të kenë të drejtën e tyre për të votuar të gjitha rishikimet e propozuara të Kushtetutës”, -tha Putin në fjalën e tij./Fjala.al
