Autoritetet shqiptare vendosën të shpallin të padëshiruar dy diplomatë të Ambasadës së Republikës Islamike të Iranit, me qendër në Tiranë.
Vendimi u bë i ditur nga ministri në detyrë për Evropën dhe Punët e Jashtme të Shqipërisë, Gent Cakaj, nëpërmjet një postimi në rrjetin social “Facebook”. Ai theksoi se sy diplomatët Mohammad Ali Arz Peimanemati dhe Seyed Ahmad Hosseini Alast, janë shpallur persona të padëshirueshëm për shkak se kanë zhvilluar “veprimtari në mospërputhje me statusin e tyre dhe parimet e Konventës së Vjenës për Marrëdhëniet Diplomatike”.
Kjo është hera e dytë që Shqipëria shpall persona të padëshiruar diplomatë iranian. Në dhjetor të 2018, ambasadori iranian i akredituar në Shqipëri dhe një tjetër diplomat i ambasadës u dëbuan nga vendi pasi dyshoheshin se ishin të përfshirë në “aktivitete që cenonin sigurinë e vendit”./Fjala.al
Ministria për Evropën dhe Punët e Jashtme ka vendosur sot, që përfaqësuesit diplomatikë të Ambasadës së Republikës…
Gepostet von Gent Cakaj am Mittwoch, 15. Januar 2020
