Një avion pasagjerësh ka derdhur karburantin e tij në një shesh lojërash në Shtetet e Bashkuara të Amerikës.
Sipas Departamentit të Zjarrit të Qarkut në Los Angeles, 17 fëmijë dhe 9 të rritur janë plagosur lehtë.
Megjithatë, asnjë prej tyre nuk është dërguar në spital.
Mediat amerikane shkruajnë se shkaku ka qenë një problem në motorin e avionit ndërsa ishte duke fluturuar mbi Los Angeles.
Zëdhënësi i Delta, Adrian Gee u shpreh se fluturimi me numrin 89 kishte filluar nga Aeroporti i Los Angeles për në Shanghai, por duhej të kthehej për shkak të një problemi në motor.
Dy klasa në shkollën fillore në Cudahy, në jug të kufijve të qytetit të Los Angeles, kishin qenë jashtë ndërtesës së shkollës në atë kohë.
