Joby Aviation, një kompani me qendër në Kaliforni që ka punuar në aviacionin elektrikë për rreth një dekadë tashmë, mbylli raundin e saj të fundit të financimit prej 400 milion dollarësh, investim ky nga kompania japoneze Toyota.
Joby Aviation është duke krijuar një automjet që fluturon si helikopter dhe ka vend për katër pasagjerë dhe synimi i saj kryesor është përdorimi për transport të përgjithshëm.
Prodhuesi i veturave, Toyota thotë se investoi në këtë projekt pasi makinat fluturuese do të sigurojnë shërbim të shpejtë, të qetë dhe të përballueshëm.
“Ndërsa ne vazhdojmë punën tonë në biznesin e veturave, kjo marrëveshje vendos vështrimin tonë në qiell”, tha Toyoda në një deklaratë./Fjala.al
