Një 36-vjeçar shqiptar është gjetur i vdekur në Itali.
36-vjeçari me banim në provincën e Cuneo, është identifikuar si Franko Gjinaj.
Shqiptari u gjet i pajetë përgjatë rrugës provinciale që të çon nga Stupinigi për në Orbasano, në lokalitetin Stupinigi di Nichelino.
Ishin disa shoferë të rastit që kaluan në atë zonë rreth orës 03:30, të cilët gjetën trupin e pajetë të shqiptarit mëngjesit sotëm.
Nga ana tjetër, karabinierët mbërritën menjëherë në vendngjarje dhe nisën hetimet.
Sipas informacioneve të policisë italiane, Gjinaj po kalonte rrugën kur është përplasur nga një makinë, drejtuesi i së cilës është larguar nga vendngjarja.
Policia italiane ka ngritur pika kontrolli në të gjithë zonën metropolitane të Torinos për kapjen e autorit të aksidentit.
