Nga Përparim Kabo
Qyteti shkruante George von Hann sipas një legjende lindi nga Hëna e cila një natë zbriti në shpatullën e një shërbëtori që një ditë u bë vezir dhe më vonë djalit të ish-sundimtarit të tij që vajti ta takonte iu përgjigj kërkesës duke i dhuruar Tiranën…përtej legjendës kërkimet arkeologjike tregojnë se treva është më herët e banuar sepse ka gjurmë bizantine dhe parabizantine pra ilire…Por 100 vite më parë qyteti u bë kry…lindi Kryeqyteti ynë Tirana.
Fillimisht një qytet i vogël por i bukur me një reliev natyror për ta patur zili mes dy lumenjve me kodra të bukura dhe në malin e Dajtit që të shpinte në qiell më një popullsi bujare dhe mikpritëse …100 vjet kryeqytet sa histori ka brenda …njerëz që e deshën dhe e duan si edhe që e përçudnuan…unë po përmend ca njerëz që i dhanë shumë qytetit; Selman Stermasi, ndërtoi ekipin e Tiranës në futboll.
Shefqet Ndroqi mjeku që luftoi tuberkulozin. Cen Kazazi mjeku popullor qe ndihmoi këdo që trokiti në derën e tij. Hamid Mezezi njeriu i mirë i qytetit që në Ndermarjen Artistike Migjeni pranoi këdo që kishte nevoje për pune. Mihal Hanxharri dijetari dhe krijuesi i shquar që rrezatonte kulture dhe modesti drejtori i bibliotekës se universitetit.
Profesorin Ismail Demneri. Seleskionistin e futbollit Xhavit Demneri. Njeriun e përkushtuar të sportit Besim Fagu. Sportistin më të shquar të të gjitha kohërave dhe diplomatin Agim Fagu. Njeriun e mirë që megjithëse qe nga Kolonja të gjithë e dinin tironas, Muhamet Malon ai që ndërtoi teleferikun e Dajtit…Tirona jonë je qyteti i bukur dhe i bekuar…unë u linda u rrita dhe jetoj këtu.
Sa here iki jashtë me merr malli për ty. Ke shpirt të butë qyteti që u bekua nga drita e hënës…në 100 vite si kryeqytet ke parë dëgjuar ndjerë dhe kuptuar shumë. Ke folur dhe ke heshtur.
Një ditë mbase do të kesh edhe një muzeum ku krahas historisë do jetë atje edhe një pavion me marrezitë që janë kryer mbi trupin dhe jetën tënde…Të falem Tirana ime hënësore e bukur dhe e heshtur si një fisnike që edhe dhimbjen e duron në një përvuajtje stoike…
