Skuadra e Tottenham është duke kërkuar për një zëvendësim të mundshëm të sulmuesit Harry Kane, pasi ky i fundit ka marrë një dëmtim shumë të rëndë e nuk mund të luajë momentalisht.
Jose Mourinho është duke vështruar me kujdes lojtarin që i duhet, por refuzimet për kalim në klubin e drejtuar prej portugezit kanë qenë të shumta. Për këtë arsye tekniku i Tottenham duket se është duke marrë në konsideratë shqiptarin Vedat Muriqi. Lojtari i kombëtares kosovare është mbajtur nën vëzhgim për një kohë të gjatë nga “Spurs”, të cilët e kanë kërkuar dhe më parë atë.
Duket se nevoja emergjente për të zëvendësuar kapitenin e klubit londinez ka bërë që këta të fundit të interesohen sërish për kalimin e 25-vjeçarit shqiptar në Premierë Ligë.
Ky lajm u bë publik fillimisht nga mediet turke e më pas edhe nga ato angleze, të cilat kanë shkruar edhe për shifrat. Për Muriqin janë ofruar 20 milionë paund në mënyrë që klubi turk të pranojë ta shesë. Ndërkohë, rikujtojmë se ai ka shënuar plot 11 gola në 17 ndeshe të skuadrës së Fenerbahces./Fjala.al/
