Disa pamje të filmuara në një spital në qytetin Wuhan tregojnë një mjeke e cila tejet e lodhur nga puna e tej zgjatur për t’i ardhur në ndihmë pacientëve bërtiste duke thënë “Nuk mund të duroj dot më”.
Koleget e saj në video duken që e ngushëllojnë ndërsa të gjitha ishin të pajisura me maska mbrojtëse.
Në disa imazhe të tjera shihet një doktor i cili po kalon një shpërthim emocional nga e gjithë situata e rëndë që ka kapluar spitalet në Kinë.
Mjeku është i pajisur me një kostum mbrojtës, maskë në fytyrë dhe duket tepër i dëshpëruar me mungesën e shtretërve në spital dhe pacientët të cilët ndodhen të shtrirë në dysheme.
Doktori dëgjohet duke thënë: “Jo nuk kam nevojë për më shumë mjekë, unë tashmë kam mjekë, problemi është se nuk ka më shtretër në dispozicion!”
Kolegët e tij përpiqen ta ngushëllojnë por ai duket gjithnjë e më shumë i stresuar.
Koronavirusi ka vrarë 81 njerëz dhe ka infektuar më shumë se 2.800 globale.
Ma Xiaowei, ministri i shëndetësisë i Kinës, dje tha se Kina po hynte në një “fazë të rëndësishme” pasi “duket se aftësia e virusit për t’u përhapur po forcohet”.
Autoritetet në Wuhan tani po garojnë për të ndërtuar dy spitale të veçantë – një me 1.000 shtretër dhe një tjetër me 1.300 – për të ndihmuar në përballimin e shpërthimit.
Videot e tjera që raportohen të filmuara nga stafi mjekësor në Wuhan kanë qarkulluar në internet duke treguar kushtet e rënda brenda spitaleve.
Stafi i mbingarkuar në spitalet Wuhan ka bërë lutje të dëshpëruar në internet për më shumë pajisje mjekësore dhe pretendon se dhjetëra mijëra janë të infektuar.
Një infermiere tha: “Në këtë moment, në provincën Hubei, përfshirë zonën e Wuhanit , janë 90,000 të infektuar nga koronavirusi”.
