Përfaqësuesja e Kosovës në futsall ditën e sotme është nisur për në Gjeorgji, ku do të marrë pjesë në raundin e parë kualifikues për kampionatin “Euro 2022”.
Në disa foto të bëra publike nga KosovaPress, shfaqen lojtarët e futsallit, të cilët janë grumbulluar për këtë raund kualifikues të Evropianit, duke konsumuar cigare në ambientet e Aeroportit “Adem Jashari”, pak minuta para nisjes.
Në këto kualifikime, Dardanët e futsallit do luajnë tre ndeshje, kundër Austrisë më 29 janar, në orën 16:00, kundër Gjermanisë, më 30 janar, po ashtu në orën 16:00 dhe kundër Gjeorgjisë, më 2 shkurt, në orën 22:00.
