Qentë janë konsideruar gjithmonë si miqtë tanë më besnik. Në rastin e një qytetareje kineze ai ka rezultuar një hero i vërtetë.
Ai i ka grisur pasaportën pronares së vet duke e mbajtur atë larg infektimit nga koronavirusi, i cili i ka marrë jetën shumë personave në Kinë.
Në fillim kjo qytetare është mërzitur nga kjo ndodhi por më pas ka ndjerë mirënjohje ndaj qenit të saj.
Gruaja në fillim të këtij muaji ka publikuar në “Facebook” foto të pasaportës së grisur, sipas një raportimi të “Bored Panda”.
Ajo shpjegoi se gjeti qenin me emrin Kimi të shtrirë pranë pasportës së grisur, duke e ndaluar që të udhëtonte për në qytetin kinez.
Tani gruaja nga Taivani mendon se qeni i ka bërë një nder të madh duke i grisur pasaportën aq sa ajo nuk mund të udhëtonte për në Wuhan të Kinës.
Disa ditë pas planifikimit te udhëtimit të saj u përhap lajmi i rrezikshmërisë nga koronavirusi, i cili po merr jetë në mënyrë të frikshme.
Disa ditë më vonë, pronarja e qenit publikoi një status tjetër në Facebook, ku shkruante:
“Ju kujtohet pasaporta? Ju kujtoj se qenushi donte të më mbronte. Pasaporta ime u gris dhe shumë shpejt mësova se origjina nga ku u përhap virusi i tmerrshëm ishte pikërisht vendi ku unë do të shkoja.
Për fat të mirë, qeni më shpëtoi jetën duke më bllokuar këtë udhëtim.”