Dy persona që ishin prekur nga gripi ‘Influenca A’, raportohet se kanë humbur jetën në pavijonin infektivë në Kosovë, duke ecur në katër numrin e viktimave.
Lajmi konfirmohet edhe nga mjeku i spitalit QKUK, Valbon Krasniqi. “Brenda 24-orëve kanë ndërruar jetë dy persona, ndërsa numri gjithsej i personave të cilët kanë vdekur nga gripi është katër, por tre prej tyre kanë pasur edhe probleme tjera shëndetësore”, është shprehur Krasniqi.
Instituti Kombëtar i Shëndetësisë Publike të Kosovës para disa ditësh ka dhënë disa këshilla për qytetarët nëse rezultojnë të prekur nga gripi. Në mesin e këshillave thuhet se personat e sëmurë nga gripi duhet të qëndrojnë në shtëpi dhe larg të tjerëve./Fjala.al
