Kryesia e Kuvendit ka caktuar datën 3 shkurt, ora 11:00, për seancën për të votuar Qeverinë e re të Kosovës. Sipas afatit kushtetues, Albin Kurti ka kohë deri më 4 shkurt që t’i paraqesë për votim kabinetin e tij deputetëve të Kuvendit.
VV dhe LDK ende nuk kanë arritur marrëveshje për koalicionin qeverisës, për shkak të mospajtimeve rreth postit të kryeparlamentarit dhe atij të presidentit. Megjithatë, negociatat nuk janë ndërprerë.
Glauk Konjufca, kryetar i Kuvendit, u pyet për mundësinë e dorëheqjes së tij nga detyra, si zgjidhje e mundshme e ngërçit, por sipas tij “në Kosovë nuk është momenti i dorëheqjeve, por i emërimeve”.
