Gjykata ka lënë në burg 5 të arrestuarit për rrëmbimin, vrasjen dhe zhdukjen e Dodë (Jan) Prengës. Deri më tani në pranga kanë rënë Leonard Hajri 36 vjeç, (i dënuar më parë) babai i tij Bajram Hajri 64 vjeç, kushëriri i tyre, Elton Hajri 32 vjeç, një tjetër anëtar i familjes, Festim Bexhdili dhe shoku i tyre Olsi Turja 36 vjeç, të gjithë banues në Shijak. Këta persona akuzohen për një sërë aktesh ndërkohë që është zbuluar edhe puna që ka kryer secili në lidhje me këtë ngjarje makabre.
5 akuzat për të cilat do të hetohen
“Rrëmbimi ose mbajtja peng e personit”,
“Fshehja ose asgjësimi i kufomës”,
“Veprime që pengojnë zbardhjen e të vërtetës”,
“Përkrahja e autorit të krimit”, të kryera në bashkëpunim dhe
“Armëmbajtja pa leje”.
Këta persona së bashku me Altin Hajrin, pronari i kompleksit ‘Golden’ në Shijak ku vdiq Jan Prenga mendohet se kanë ekzekutuar vetëm urdhrin nga “kokat” e bandës që kishin porositur rrëmbimin e Jan Prengës në Kamëz më 17 janar të këtij viti. Rrëmbimi i Prengës ka ardhur për shkak të një sasie prej 283 kg kokainë, që vëllai i Jan Prengës, Astrit Prenga mbante peng në Angli dhe nuk e tregonte se ku e kishte çuar.
Rolet
Leonard Hajri, i ati, Bajram Hajri, kushëriri i tyre, Elton Hajri, dhe Olsi Turja, akuzohen për pengmarrjen të drejpërdrejtë. Ndërsa Festim Bexhdili akuzohet që është personi që ka humbur trupin e Prengës.
Policia dhe prokuroria pretendojnë se këta persona kanë dalë në pamjet filmike që janë sekuestruar në garazhin e resortit ‘Golden’ por, të dhënat tregojnë se ata kanë mohuar pjesëmarrjen në ngjarje por kaun dhënë disa detaje përjashtuese nga krimi po jo nga dijenia. Burime konfidenciale bëjnë me dije se personat që janë mbajtur në –pranga kanë dalë edhe në pamjet e një kamere në rrugën London në Kamëz, pamje që kanë fiksuar dhunimin dhe rrëmbimin e Prengës në mes të ditës dhe në mes të dhjetëra kalimtarëve.
