Një aksident ka nodhur pak minuta më parë në zonën e Laprakës në kryeqytet. Dy makina janë përplasur me njëra-tjetrën në kryqëzimin pranë spitalit të Traumës.
Edhe pse goditja ka qenë e fortë, fatmirësisht personat që ndodheshin brenda makinave nuk kanë pësuar lëndime serioze.
Por situata paraqiti rrezik të madh jo vetëm për shoferët, por edhe për disa këmbësorë që po kalonin rrugën te vizat e bardha. Për fat të mirë asnjë nga makinat nuk goditi qytetarët, duke shmangur kështu edhe një tragjedi të mundshme.
Policia ndodhet aktualisht në vendin e ngjarjes dhe ka nisur hetimet për zbardhjen e shkaqeve të aksidentit./Fjala.al
