Sinoptikanët kanë paralajmëruar se moti do të bëjë një kthesë të papritur javën që vjen dhe se temperaturat do të arrijnë në -8 gradë celsius.
Kjo kthesë do të vijë mbrëmjen e të martës ku termometri do të shënojë -8 gradë celsius në zonat malore dhe -2 gradë në Tiranë. Kjo ulje e temperaturave do të vijë si pasojë e ardhjes së masave ajrore polare me origjinë nga veriu i Evropës.
Këto masa ajrore do të sjellin ulje të menjëhershme të temperaturave në territorin shqiptar, ku në zonat e thella malore do zbresë në -7 apo – 8 gjatë mëngjesit.
Sinoptikanët kanë paralajmëruar gjithashtu edhe reshje dëbore, të cilat pothuajse kanë qenë në mungesë totale këtë vit. Pritet që reshjet e dëborës të nisin ditën e mërkurë. Kjo situatë pritet të zgjatë 4-5 ditë ku e Enjtja dhe e Premtja do jenë ditët më të ftohta./Fjala.al
