Ramush Haradinaj nuk do të jetë në zyrën e kryeministrit për ti dorëzuar detyrën Albin Kurtin
Haradinaj, i cili ndodhet për një vizitë punë në SHBA, teksa uron për formimin e qeverisë së re, bën me dije se dorëzimi i mandatit do të bëhet formalisht nga zëvendëskryeministri Behgjet Pacolli
“Nga sot, Kosova ka hyrë në një fazë të re me krijimin e institucioneve. Votimi i Qeverisë së re nga ana e Parlamentit të Kosovës është lajm i mirë për gjithë qytetarët tanë.
Uroj që ky konstalacion politik të arrij t’i çoj përpara proceset e rëndësishme për vendin.
Në këto ditë, unë po qëndroj për një vizitë zyrtare në Shtetet e Bashkuara të Amerikës, një agjendë që është caktuar shumë kohë më përpara dhe kësisoj pranim – dorëzimi i mandatit, formalisht do të bëhet nga ana e Zëvendës Kryeministrit të parë z. Behgjet Pacolli, të cilën procedurë tashmë e kam autorizuar.
Edhe njëherë shpreh besimin që Qeveria e re, t’i dalë zot temave të rëndësishme për qytetarët tanë”, shkruan Haradinaj në faqen e tij në Facebook
