Ukraina ka refuzuar ofertën e Iranit për jetën e shtetasve që humbën jetën në aksidentin ajror.
Presidenti i Ukrainës, Volodymyr Zelenskiy, ka deklaruar se shifra që ka ofruar Irani prej 80 mijë dollar për çdo viktimë është shumë e vogël. Ai është shprehur se jeta e një njeriu nuk mund të matet me të holla.
“Sigurisht, jeta e njeriut nuk mund të matet me të holla, por ne do të bëjmë përpjekje për më shumë dëmshpërblime për familjet e viktimave”, tha presidenti Zelenskiy.
Ukraina nuk ka marrë ende kutinë e zezë edhe pse zyrtarët e Iranit janë shprehur se ekspertët ukrainas do të udhëtojnë në Teheran për t’i bërë analizat e kutive.
Përgjegjësinë për rrëzimin e avionit e kanë marrë përsipër Rojat Revolucionare të Iranit, ndërsa 176 persona humbën jetën në këtë aksident./Fjala.al
