Pas seancës ku u votua qeveria, kryeministri i ri i Kosovës, Albin Kurti dha një prononcim të shkurtër për mediat.
Ai së pari tha se nuk ka janë vendosur akoma emrat për zëvendësministra. Po ashtu, ai shtoi se sot e presin shumë punë, por së pari do të falënderojë aktivistët e anëtarët e VV-së, sepse ata kanë qenë vendimtar në fitore.
“Ende nuk i kemi vendosur emrat për zëvendësministra, do të bëjmë sa më shpejt që të jetë e mundur këtë gjë. Sot kam shumë punë për programin e dakordësuar.
Shumë shpejt na duhet ta sjellim edhe projektligjin për buxhetin 2020. Dhe do ju lutesha të më kurseni nga këto pyetjet për të komentuar çështjet e deputetëve komunalë.
Do të shkojë në zyrën e VV për të falënderuar anëtarët dhe aktivistët e Lëvizjes, sepse aktivisti anonim i VV-së është vendimtar në fitoren e Lëvizjes.
Dua që tani të bashkohet sa më shumë skena jonë politike, për punët e mëdha që na presin”, u shpreh për mediat Albin Kurti jashtë dyerve të Kuvendit.
