Kryetari i Partisë Demokratike, Lulëzim Basha ka publikuar një video ku shfaqet duke ecur nëpër rrugët e qytetit. Në një moment ai duket se ecën nën pikat e holla të shiut i shoqëruar nga disa persona ndërkohë që ju shtrëngon dorën qytetarëve të zakonshëm.
Ky postim vjen vetëm dy ditë pasi në kuadër të nismës ‘takim me qytetarët’ ai bleu domate për një zonjë e cila doli që ishte një simpatizante e flaktë e Partisë Demokratike.
“Kudo që shkoj me këdo që flas, njerëzit kërkojnë të njëjtat gjëra: mundësi, punësim, shëndetësi dhe arsim të denjë, zbatim të ligjit, një qeveri që kujdeset për ta, një qeveri që i dëgjon. Si çdokush dhe unë kam të metat e mia dhe e di shumë mirë se kam bërë edhe gabime në të kaluarën por një gjë ua premtoj të gjithë shqiptarëve, se gjithmonë do ju dëgjoj, gjithmonë do t’ju shërbej dhe se gjithmonë do t’ju vë ju të parët”, thotë Basha/Fjala.al
Shqiptarët meritojnë të dëgjohen me vëmendje dhe të trajtohen me dinjitet. #PotëDëgjoj
Gepostet von Lulzim Basha am Montag, 3. Februar 2020
