Ministri i Brendshëm Sandër Lleshaj ka deklaruar se Shqipëria ka shtuar një tjetër hap të rëndësishëm, të njohur në botë siç është poligrafi.
Në konferencën e organizuar në SHÇBA, ai u shpreh se poligrafi do të shërbejë për diagnostifikimin e shumë personave në drejtësi.
Sipas Lleshajt, SHÇBA-ja do të bëjë testimet, do të jetë në lartësinë e detyrës me profesionalizëm dhe paanshmëri.
Lleshaj gjatë fjalës së tij në certifikimin e njësisë së ekspertëve të poligrafit tha se do të donte ta fillonte nga vetja.
‘Do të kemi mundësinë sot të prezantojmë në Shqipëri poligrafin, të njohur në botë. Do të përdoret për diagnostifikimin e shumë personave në drejtësi. Vettingu në polici dhe drejtësi po ecën si proces i gjerë. Poligrafi është vetëm një proces sepse përmes tij ne shtojmë një hap i rëndësishëm.
Ky instrument nuk do të përdoret vetëm për SPAK-un apo BKH, por do të përdoret në vijimësi për të gjithë rekrutimet e reja në policinë e shtetit SHÇBA, Gardën e Republikës, si dhe për diagnostifikimin periodik të të gjithë personave që shërbejnë në institucionet e sigurisë publike dhe do të doja të filloja nga vetja ime nëse do të merrej vendim.
Sendet dhe pajisjet e poligrafit janë mundësuar nga SHBA që kanë qenë mbështetja jonë që në fillim falënderimet shkojnë për kontributin e dhënë në këtë fushë nga SHBA. Qeveria shqiptare dhe Policia e Shtetit janë tashmë të motivuara për këtë provë.
Miratimi i kësaj pakete ligjore shënon një moment shumë të rëndësishëm që historikisht është shënuar një lloj tabuje. Shkatërrimi i financave dhe të gjitha përpjekjet janë përfshirë që populli shqiptar mos të zhgënjehet’, tha Lleshaj. /Fjala.al
