Haradinaj-Kurti, debate në distancë rreth tarifave ndaj mallrave serbe

113 563 lexime

124,178FansaPëlqeje

Ish kryeministri i Kosovës, Ramush Haradinaj në një letër të hapur drejtuar kryeministrit Albin Kurti, i bëri thirrje që të mos heqë tarifat ndaj mallrave serbe të vendosura në vjeshtën e vitit 2018, të cilat u pasuan me pezullimin e bisedimeve Kosovë – Serbi.

Letra e Haradinaj, i cili ndodhet në Washington, pasoi paralajmërimet e kryeministrit Kurti për zëvendësimin e tarifave me masat e reciprocitetit të plotë me Serbinë, një paralajmërim në dritën e thirrjeve të diplomatëve perëndimorë që tarifat të hiqen menjëherë, raporton VOA.

Albin, mos e lejo tregun e fitimit të mbi 400 milionë Euro-ve për Serbinë, shtetin i cili të ka rrahur e të ka torturuar. Shtetin, që me paratë e popullit të Kosovës blenë armë në Rusi. Të lutem, mos e kamuflo këtë vendim sovran me terme të mjegullta siç është “reciprociteti”. Mos e hjek taksën Albin. Mos u tërhiq për disa poena të përkohshëm që mund t’i fitosh nga bashkësia ndërkombëtare. Miku që është mik i vërtetë të don e të ndihmon me lavd, por edhe me kritika. Nëse nuk jemi të zotët e vetes nuk na don as miku”, shkruan zoti Haradinaj në letrën e tij.

Zëvendësimi i tarifave me masën e reciprocitetit është edhe pjesë e programit qeverisës të koalicionit të lëvizjes Vetëvendosje dhe Lidhjes Demokratike të Kosovës, është shprehur Albin Kurti.

Pra ne nuk themi që do të kthehemi në marrëdhënie asimetrike me Serbinë përkundrazi do të avancojmë duke e shndërruar subjektivitetin tonë në çështje integriteti dhe dinjiteti me parimin i cili më së shumti njihet për vlerën e tij në raportet ndërfqinjësore bilaterale e ky është reciprociteti”, tha ai.

Edhe kryetarja e parlamentit të Kosovës, Vjosa Osmani, theksoi një qëndrim të tillë duke nënvizuar se fillimisht Serbia duhet të ndalë fushatën kundër Kosovës dhe njohjeve të reja.

Lexo edhe :  Dhuna në Bulqizë/ Pas kallëzimit të Mziut, referim në SPAK edhe për zyrtarin Murra

Në nëntor të vitit 2018, qeveria e Kosovës vendosi tarifat prej 100 për qind ndaj mallrave serbe në shenjë kundërshtimi ndaj qasjes së Beogradit ndaj shtetësisë së Kosovës.

Beogradi kushtëzon vazhdimin e bisedimeve për normalizim marrëdhëniesh me Kosovës me heqjen e këtyre tarifave, por qeveria e Haradinaj refuzoi çdo përpjekje të diplomacisë perëndimore për ta bindur për një gjë të tillë.

Të fundit

Ekonomia amerikane tkurret për herë të parë që nga viti 2022

Ekonomia amerikane u tkurr në tre muajt e parë të vitit 2025, duke nxitur frikën e një recesioni në...

Proda takon Këshillin e Prindërve të Tiranës, lë porosi për shtimin e policëve në shkolla

Drejtori i Përgjithshëm i Policisë së Shtetit, Ilir Proda ka pritur në një takim të rëndësisë së veçantë Këshillin e Prindërve të Tiranës. Objektivi i...

VIDEO/ Beyonce ngjitet për herë të parë në skenë me dy vajzat, ja momenti i veçantë

Fansat e Beyonce u përballën me një moment mjaft të veçantë në turneun e saj “Cowboy Carter and the Rodeo Chitlin’ Circuit Tour” në...

PPE miraton rezolutën për Shqipërinë: Zgjedhjet po minohen nga abuzimi me pushtetin

Partia Popullore Evropiane (PPE), ka miratuar një rezolutë të jashtëzakonshme të titulluar “Integriteti Zgjedhor në Shqipëri”, me propozimin e Partisë Demokratike. PPE shpreh shqetësim për...

Horror në burgjet e Putin me gazetaren ukrainase, rusët e masakruan, i hoqën sytë….

Fundi i gazetares 27-vjeçare Viktoria Roshkina nga Ukraina, e cila u arrestua në Zaporizhia në verën e vitit 2023 dhe u ndalua në Rusi, ishte torturues dhe i...

Lajme të tjera

Web TV