Gjykata e Vlorës ka lënë në arrest me burg Bardhosh Mino (Lytaj) pasi ishte shpallur në kërkim për sërë veprash kriminale.
47-vjeçari, i cili u arrestua dy ditë më parë, rëndojnë akuza të rëndë. Ndërkohë që është i dënuar edhe në Greqi me burgim të përjetshëm për vrasjen e dy turistëve anglezë, e ndodhur në 1998. Mino (Lytaj) akuzohet gjithashtu edhe për trafikim kanabisi si dhe arratisje nga burgu grek.
Ndërkaq, seanca në gjykatën e Vlorës është zhvilluar me dyer të mbyllura pa praninë e medias në sallë. Ndërsa mësohet Mino gjatë marrjes në pyetje ka shfaqur shenja nervozizmi ndërkohë që ka deklaruar se nuk dinte se ishte i shpallur në kërkim pasi ishte martuar dhe kishte fëmijë. 47-vjeçari edhe pse ishte në kërkim prej gati 3 vitesh, Mino (Lytaj) punonte si polic privat.