Duket e pabesueshme, por ja që është e vërtet. Burrat sot ndjehen të rritur në moshën 54 vjeçare. Nuk është një sipërmarrje e ndonjë individi por e një studimi ku është hedhur dritë mbi mënyrën se si jetojnë meshkujt e moshave të ndryshme dhe konkluzioni ka qenë tronditës.
Studiuesit në Shtetet e Bashkuara të Amerikës kanë prezantuar një studim në të cilin ata konkludojnë se burrat mund të konsiderohen të rritur vetëm kur mbushin 54 vjeç. Për të përfunduar projektin, u ndoqën 1000 burra, duke marrë parasysh stilin e jetës, zakonet dhe jetën e tyre profesionale. Zbulimi, botuar nga gazeta Telegraph, tregoi se vetëm në moshën 54 vjeç burrat ndjehen plotësisht të sigurt dhe të realizuar mirë, për të shijuar jetën si “të rritur të vërtetë”.
Studimi sugjeron që kjo ndodh me njeriun e sotëm, i cili kërkon më shumë kohë për të arritur këtë fazë, dhe kjo ndodh për shkak të presioneve të jetës moderne, të tilla si një situatë financiare dhe shtyrja e atësisë në kohë.
Sipas studimit, pasiguritë që lidhen me pamjen fizike, gjendjen financiare dhe problemet e veçanta, pengojnë pjekurinë e shumë burrave, të cilët nuk adresojnë drejtpërdrejt problemet e tyre, dhe vazhdojnë të sillen si adoleshentë. Burrat kanë theksuar se frika se mos nuk sigurojnë një shtëpi të vetën, humbja e flokëve dhe i gjithë procesi i plakjes e frikësojnë pjesën më të madhe të tyre. n.k/Fjala.al/
