Kryetari i Partisë Demokratike, Lulëzim Basha me anë të një të statusi në Facebook ka shprehur keqardhje për vdekjen e këngëtares së madhe Nexhmie Pagarusha.
Basha ka thënë se zëri i saj e ka shoqëruar që fëmijë pasi Pagarusha nuk ka qenë vetëm këngëtarja e preferuar e nënës së tij por një frymëzim dhe gëzim për të.
Statusi i Bashës:
“Me trishtim mësova ndarjen nga jeta të bilbilit të këngës shqiptare znj. Nexhmije Pagarusha.
Zëri i saj unik më ka shoqëruar që fëmijë, sepse Pagarusha është këngëtarja e preferuar e nënës time, ishte frymëzim dhe gëzim për të, ashtu si për shumë shqiptarë të tjerë në momente të lumtura dhe të vështira.
Prehu në paqe Zambaku i Shqiptarisë! Magjia, forca dhe ëmbëlsia e zërit tënd nuk do të shuhen kurrë!”