Die Zeit dhe FAZ janë dy gazetat më të mëdha dhe më të rëndësishme në Gjermani. Në revistat e tyre për muajin shkurt ato kanë përzgjedhur dy këngëtaret me origjinë shqiptare, Dua Lipa dhe Loredana.
Këngëtarja e hitit “Don’t start now” është shfaqur në Die Zeit, ndërsa në kopertinën e FAZ është shfaqur Loredana, e cila u shpall nga MTV Europe si këngëtarja më e mirë në Zvicër.
Të dyja artistet e kanë ndërtuar karrierën e tyre muzikore jashtë Kosovës. Loredana është këngëtarja më e preferuar e momentit në Zvicër, por edhe në Gjermani e Austri. Ndërsa Dua mbetet artistja më e vlerësuar në Mbretërinë e Bashkuar, por edhe në SHBA. Së fundmi ajo performoi edhe në SanRemo.