Situata ku ndodhet vendi, sipas Edi Ramës, ka dy anë të medaljes: krimin e organizuar dhe gjyqtarët e korruptuar.
Nga foltorja e Kuvendit, Rama akuzoi gjyqtarët “kap ça t’kapësh” se po marrin vendime skandaloze “që nga lirimi i të dënuarve me burgim të përjetshëm për vrasje, në mënyrën më spektakolare të shkeljes së ligjit nga vetë gjykatësit, deri në ndryshimin e pronave.”
“Kemi vendosur të ndërmarrim një ofensivë shembullore si asnjëherë më parë në të dyja anët e medaljes. Nga një anë e medaljes që është pasqyrë e krimit të organizuar dhe në njërën anë të medaljes që është pasqyrë e korrupsionit në drejtësi”, tha Rama.
Kryeministri njoftoi se Inspektoriati i Lartë i Drejtësië do t’i bëhet e mundur që brenda 3 ditësh të pezullojë gjykatësin në detyrë, kur merret një vendim kontestues.
“I japim institucioneve instrumentin e pezullimit të menjëhershëm, duke i hapur rrugë hetimit të menjëhershëm të gjykatësve. Menjëherë verifikimi i figurës dhe menjëherë verifikimi i pasurisë. Më pas menjëherë hapjen e procesit penal dhe dërgimin bashkë me shokët mbrapa hekurave”, tha Rama.
Rama në Kuvend: ME OFL-në kemi tronditur në palcë krimin e organizuar
