Nga të gjitha klubet më të fuqishme në botë, Paris Saint-Germain vazhdon të rritet dhe është vendosur në vendin e parë nga një studim i fundit mbi Indeksin e Financave të Futbollit. Me 5,318 pikë, ata renditën mbi 100 klube të tjera dhe mundën Manchester City-n në edicionin e tretë të studimit.
Krijuar nga “Soçerex Football Finance”, ky studim bazohet në vlerën e lojtarëve, aseteve të prekshme, financave të disponueshme në llogaritë e tyre, investimet e pronarëve të mundshëm dhe borxhin neto. Studimi nënvizon mënyrën se si menaxhimi i PSG-së ka ulur borxhin e tyre me 70 milion euro përmes shitjeve të lojtarëve, ndërsa kapitali shoqëror është rritur në 316 milion euro falë investimeve të Katar raporton “Marca”
Pavarësisht nevojës për adaptime në sponsorizimet e tyre për shkak të Fair Play Financiar të UEFA-s, kjo gjë nuk e ka ndaluar renditjen e klubit në krye të tabelës.
Nga 100 klube të marra në studim në 15 ligat e ndryshme, 80% janë skuadra që vijnë nga Evropa dhe 23 prej tyre nga Anglia.
Barcelona ka zbritur nga vendi i 10 në atë të 12 me 2.036 pikë, gjithashtu qëndron pas Atletico Madrid, të cilët kanë 2.049 ndërsa Real Madridi është skuadra më e lartë spanjolle me 3,336 pikë në vendin e pestë./Fjala.al/Katerina Tafa/
