Pas ngjarjes së rëndë që tronditi ditën e sotme Gjilanin dhe krejt Kosovën, ku një police vrau me armë prindërit, dy vëllezërit e më pas veten, nga shtëpia janë nxjerrë edhe trupat e pajetë të këtyre të fundit.
Në orët e pasdites, zyrtarë të Institutit të Mjekësisë Ligjore kanë nxjerrë trupat e pajetë të pesë anëtarëve të familjes Bllaca nga shtëpia e tyre, të cilët do të dërgohen për ekspertizë mjeko-ligjore.
Autorja e kësaj tragjedie, Valdete Bllaca, në kushte të rënduara psikologjike ka qëlluar mbi familjarët e saj duke i lënë të vdekur në vend.
