Australia është tronditur nga një ngjarje e rëndë. Një makinë u përshi nga flakët duke u marrë jetën 4 persona. 3 nga viktimat ishin fëmijë nën moshën 10 vjeç. Ngjarja e rëndë ka ndodhur në qytetin Brisbane, të Australisë. Viktima e katërt është një burrë ndërsa një grua ka marrë djegie të shumta dhe është dërguar me urgjencë në spital.
Policia ka krijuar një skenë krimi në rrugën periferike në Camp Hill në lindje të qytetit. “Është një skenë e tmerrshme”- u tha gazetarëve inspektori Mark Thompson.
“Është shumë herët për hetim, por automjeti ishte përfshirë plotësisht nga flakët në momentin që arriti policia”- tha ai. Në spital ka përfunduar edhe një kalimtar i cili ishte munduar të jepte ndihmën e parë. Kalimtari ka pësuar djegie në fytyrë, bëri me dije zëdhënësi i ambulancës në Queensland.
Policia nuk ka ende asnjë të dhënë që lidhet me ndonjë djegie të qëllimshme, por autoritetet kanë vendosur të mos flasin derisa të mësojnë të vërtetën e viktimave të asaj tragjedie. Ata dyshojnë se bëhet fjalë për një familje, dy prindërit dhe tre fëmijët, por ende mediet nuk kanë mësuar të dhëna mbi identitetin e viktimave.
