Të gjithë pushuesit që ndodheshin në bregdetin e Barcelonës janë habitur kur papritur në det u shfaq silueta e një qyteti.
Fenomeni i ndodhur quhet ‘Fata Morgana’ ose ndryshe mirazh.’Fata Morgana’ rrjedh nga italishtja, përkthehet ‘Zana Morgana’, e cila sipas legjendës ishte gjysmë motra e Mbretit Artur.
Sipas dëshmitarëve ato ishin pamje ‘spektakolare’ që nuk duheshin humbur pa u fotografuar.
Imazhet e kapura nga kamerat e telefonit të pushueseve tregojnë një ‘qytet që lundron’.
https://www.instagram.com/p/B8zBKhxlxdU/?igshid=2bzk942ad0m
Por çfarë është mirazhi dhe si shpjegohet ? Mirazhi është një iluzion optik i cili vjen nga ndryshimi i temperaturës. Kohët e fundit fenomeni mirazhit me ‘qytetet lundruese’ po ndodhin shumë shpesh në brigjet e Barcelonës, kjo si rezultat i dy faktorëve: kushte të favorshme të temperaturës për të gjeneruar efektin ‘Fata Morgana’ dhe së dyti lëvizja e anijeve të mëdha në Portin e Barcelonës.
Kur fenomeni ‘Fata Morgana’ kombinohet me një anije mallrash me kontejner që kalojnë në Portin e Barcelonës ndodh të shihet shpesh ‘qyteti që lundron’, i njëjti që u pa të mërkurën në brigjet e Barcelonës./Fjala.al
