Barcelona tashmë e ka gjetur sulmuesin që ishte duke kërkuar prej kohësh,pas dëmtimit të Ousmane Dembele dhe Luis Suarez.
Martin Braithwaite u transferua te Barça pasi nga Leganes u pagua klauzolën e lëshimit prej 18 milionë eurove të sulmuesit danez.
Braithwaite ka firmosur një kontratë që do të zgjasë deri në 30 qershor 2024, ndërsa klauzola e tij e re e lirimit do të jetë 300 milionë euro.
Katalanasit kishin disa javë që po e vëzhgonin sulmuesin për shkak të largimit të Carles Perez dhe të dëmtimit të lojtarëve të tjerë. Gjatë merkatos së janarit Barça refuzoi që të merrte sulmues tjetër, por përgjigja se Dembele ka humbur sezonin nga dëmtimi i marrë, i detyroi ata që të shikonin mundësitë për një zëvendësues.
La Liga i dha mundësinë klubit për të nënshkruar me dikë tjetër në mënyrë që të zëvendësohet Dembele jashtë afatit kalimtar të janarit, pasi u konfirmua se francezi do të humbasë gjashtë muajt.
28-vjeçari ka luajtur në plot 27 ndeshje në La Liga Santander dhe Copa del Rey për Leganes këtë sezon dhe ka shënuar gjithsej 8 gola. Daneze ka luajtur në kampionatin e vendit të tij, në Francë dhe në Angli./Fjala.al/
