Kreun e Kuvendit, Gramoz Ruçi tha sot se Kuvendi është plotësisht funksional, duke iu përgjigjur kështu edhe presidentit Ilir Meta që e quan atë ilegjitim, dhe ka lënë të kuptuar se mund të ketë qëllim firomosjen e një dekreti për shpërndarjen e tij.
Deklarata e Ruçit u bë gjatë takimit të tij me reporteren për Shqipërinë në Parlamentin Europian, Isabel Santos gjatë takimit në Tiranë.
“Kuvendi është plotësisht funksional, me kuorum kushtetues dhe shumicat e nevojshme për të miratuar çdo ligj që kërkon shumica të cilësuara”, shtoi Ruçi.
Duke folur për rrugën drejt integrimit në BE, Ruçi, veçoi rëndësinë që Parlamenti Evropian dhe Presidenti Sassoli i kushtojnë integrimit të Shqipërisë dhe Ballkanit Perëndimor si edhe e uroi asaj suksese në detyrën e saj si reportere për Shqipërinë. /Fjala.al
