Një 37-vjeçar shqiptar ka rënë pre e një atentati në mes të kryeqytetit grek.
Shqiptari, identiteti i të cilit nuk bëhet i ditur, është qëlluar me plumb në kokë duke mbetur i plagosur, ndërsa aktualisht është në gjendje të rëndë në spitalin e Nikeas.
Sipas mediave greke, ngjarja ka ndodhur rrugën “Kerasuntos” në Egaleo, në Athinë, ku 37-vjeçari shqiptar u qëllua nga pasagjeri i një fuoristrade të zezë.
Deri më tani nuk dihet asgjë për autorin dhe lidhjet e viktimës me atentatorët edhe pse mediat greke flasin për larje hesapesh mes grupeve rivale.
