Një 28 vjeçar është arrestuar pas aksidentit të mbrëmshëm në aksin rrugor Korçë-Gramsh ku humbën jetën 2 emigrantë dhe u plagosën 8 të tjerë.
Policia thotë se ka arrestuar shtetasin me iniciale M.Gj, 28-vjeç, banues në Tiranë. I riu po transportonte emigrantët me mjetin tip “Fuoristradë”.
28-vjeçari humbi kontrollin e automjetit të tipit “Fuoristradë” me të cilin po transportonte në mënyrë të paligjshme 9 shtetas sirianë. Automjeti doli nga rruga dhe si pasojë dy persona humbën jetën dhe 7 të tjerë ndodhen në spital për ndihmë mjekësore.
Materialet hetimore i kaluan Prokurorisë pranë Gjykatës së Shkallës Parë Elbasan, për veprat penale “Shkelja e rregullave të qarkullimit rrugor me pasojë vdekjen dhe plagosjen e disa personave”dhe “Ndihma për kalim të paligjshëm të kufijëve , me pasojë vdekjen dhe plagosjen e disa personave”, ku parashikohet dënimi nga 15 vjet deri në burgim të përjetshëm./Fjala.al
