Maria Rita Gismondo, e cila është drejtoreshë e mikrobiologjisë, virologjisë dhe diagnostikimit të departamentit të bio-emergjencave të spitalit Sacco në Milano, thotë se koronavirusi është një virus pak më serioz sesa gripi i zakonshëm.
Në një postim në Facebook, Gismondo shkruan se në sajë të të gjithë analizave që janë bërë koronavirusi rezulton një virus pak më serioz se ata të zakonshëm.
“Ne kemi bërë analizat në laboratorët tanë gjatë gjithë natës. Kampionët e këtij virusi tregojnë se virusi në fjalë është pak më serioz sesa gripi i zakonshëm”, tha ajo.
