Ish-velina Alesia Bami ka thënë nga studio e emisionit “E Diell” se ajo mund ta kalojë muajin edhe me 400 mijë lekë të vjetra.
Aleksia tregoi se rroga e saj e parë në televizion ka qenë 300 mijë lekë të vjetra dhe u kërkonte lekë prindërve, pasi nuk i dilnin aq, ndonëse jetonte me ta dhe rrogën e kishte vetëm për shpenzime vetjake.
Ndërsa, më tej ajo ka shtuar se tashmë mundet që ta kalojë muajin edhe me 400 mijë lekë të vjetra.
Megjithatë kjo gjë është vënë në dyshim nga Edi Manushi,i cili i ka kërkuar që të heqë këpucët dhe i kafshoi orën për të vërtetuar që është prej floriri.
Alesia Bami: “Jam mësuar ta kaloj muajin dhe me pak lekë. Kur ka qenë më e vogël rroga ime në televizion ishte 300 mijë lekë dhe nuk më dilte. Jetoja edhe me prindërit dhe kisha ndihmën e tyre. Kërkoja dhe nga ata. Sot duke e parë mund të jetoj edhe me 400 mijë lekë.”
Edi Manushi: ‘Stop, hiqi këpucët, do ta bëj tani llogarinë ty. E kam ndarë mendjen. Këpucët 600 euro. Ora (pasi e kafshon me dhëmbë) flori, diamant.”
Alesia Bami: “Mos na nxirr kështu tani. Po thosha më e keqja fare mund ta kaloj edhe me 400 mijë lekë. Se gjithçka është mënyra e menaxhimit të lekëve. Nëse shpenzon aty ku duhet normalisht e kalon dhe me më pak lekë. Shpenzoj për gjëra të rëndësishme për mua.”/Fjala.al/
