Në aeroportin ndërkombëtar të Rinasit ka filluar kontrolli i pasagjerëve që hyjnë dhe dalin nga Shqipëria. Siç shihet edhe nga këto foto, qytetarët po kontrollohen nga persona të specializuar, të cilët mbajnë gjatë gjithë kohës maska, nëse kanë shenja që mund të paralajmërojnë infektimin me coronavirus.
Maska kanë vënë edhe shumë udhëtarë të cilët duhet të udhëtojnë këto ditë në Evropë, në një moment kur frika nga coronavirusi mbetet e lartë, sidomos për faktin se pika kryesore në kontinent e sëmundjes ndodhet në Itali.
