Ditën e premte në orë 19:00 në stadiumin “Air Albania” do të luhet ndeshja më emocionuese e javës së 24-t e Superligës, derbi Tirana-Partizani.
Ashtu siç gjithmonë ndodhë kjo sfidë pritet ta mbushë stadiumi plot, pasi gjithmonë ka numër të madh ndjekësish. Pritës i kësaj ndeshjeje është ekipi i Tiranës, i cili së fundmi ka bërë publik edhe çmimet e biletave.
Ashtu siç është bërë zakon tashmë në “Air Albania Stadium”, sektori më i lirë do të jetë ai pas porte, ku një biletë do të kushtojë 500 lekë të rinj. Në tribunën “Panajot Pano”, ose njohur ndryshe karshia, do të ketë dy nivele çmimesh, 1000 dhe 1500 lekë, ndërsa tribuna qendrore do të nisë nga 3000 deri në 5000 lekë.
Ndërkohë, në njoftim përfshihen edhe pikat se ku mund të blihen biletat e kësaj sfide./Fjala.al/
