Dy tragete janë përplasur mbrëmjen e sotme në Portin e Durrësit. Njëri prej trageteve ka qenë i ankoruar në Port ndërsa trageti tjetër ishte duke dalë dhe për shkak të erës së fortë janë përplasur me njëri-tjetrin.
Deri tani nuk raportohet për persona të lënduar por vetëm për dëme të shumta materiale. Tragetet ishin të linjës Durrës-Bari dhe Durrës-Ankona.
Drejtoria e Përgjithshme Detare në njoftimin e shpërndarë për median deklaron se “në orën 19:30 në Portin e Durrësit, gjatë manovrave për të dalë nga porti, trageti A/F CLAUDIA pasi ka tërhequr spirancën është shtyrë nga era e fortë dhe ka prekur me fërkim tragetin BARI dhe AF MARINA. Menjëherë kanë hyrë ne veprim dy rimorkiatorët të cilët kanë shmang përplasjet, dhe trageti CLAUDIA ka dalë nga porti dhe ka vazhduar lundrimin për në Ankona.”
